Естественное грудное вскармливание нередко вызывает проблемы или просто беспокойство у мам. Существуют православные молитвы для кормящих матерей, которые могут оказаться большой поддержкой в успешном кормлении.
Молитва о кормлении младенца грудью
Пресвятой Богородице перед Ее иконой «Млекопитательница»
Молитва
Приими, Госпоже Богородительнице, слезная моления рабов Твоих, к Тебе притекающих.
Зрим Тя на святей иконе на руках носящую и млеком питающую Сына Твоего и Бога нашего, Господа Иисуса Христа.
Аще и безболезненно родила еси Его, обаче матерния скорби веси и немощи сынов и дщерей человеческих зриши. Темже тепле припадающе к цельбоносному образу Твоему и умиленно сей лобызающе, молим Тя, Всемилостивая Владычице: нас грешных, осужденных в болезнех родити и в печалех питати чада наша, милостивно пощади и сострадательно заступи, младенцы же наша, такожде и родившия их, от тяжкаго недуга и горькия скорби избави.
Даруй нам здравие и благомощие, да и питаеми от силы в силу возрастати будут и питающия их исполнятся радостию и утешением, яко да и ныне предстательством Твоим из уст младенцев и ссущих Господь совершит хвалу Свою.
О Мати Сына Божия! Умилосердися на матери сынов человеческих и на немощныя люди Твоя: постигающия нас болезни скоро исцели, належащия на нас скорби и печали утоли, и не презри слез и воздыханий рабов Твоих. Услыши нас в день скорби пред иконою Твоею припадающих, и в день радости и избавления приими благодарная хваления сердец наших.
Вознеси мольбы наша ко Престолу Сына Твоего и Бога нашего, да милостив будет ко грехом и немощем нашим и пробавит милость Свою ведущим имя Его, яко да и мы, и чада наша, прославим Тя, милосердную Заступницу и верную надежду рода нашего во веки веков. Аминь.
Молитва при недостатке молока у матери
Преподобному Ипатию Печерскому
Тропарь, глас 1-й
Безначальнаго онаго и тихаго места, идеже несть печали, ни воздыхания, достигнути, преподобне, желая, не дал еси себе зде покоя нимало, но присно день и нощь в делех всяких и жестоком житии трудолюбно подвизаяся, пребываеши, тем желаемаго получил еси, Ипатие, молися о душах наших.
Успешного Вам грудного вскармливания!
Молитвы из книги:
«Молитвы о помощи в семейных нуждах»
Читайте также: